కాకి - కడవ

5:31 PM Posted In , Edit This 0 Comments »


కడవ మీద కాకమ్మ
కడవ అడుగున నీళ్ళమ్మా
కడవ ప్రక్కనా రాళ్ళమ్మా
చిన్న చిన్న గులకరాళ్ళమ్మా
ఒకటీ ఒకటీ వెయ్యమ్మా
కడవ అడుగుకి రాళ్ళమ్మా
కడవ నిండుతూ ఉందమ్మా
పై పైకొచ్చే నీళ్ళమ్మా
దాహం తీరగ తాగమ్మా
రివ్వున ఎగిరి పోవమ్మా.

ఏనుగమ్మా ఏనుగూ

4:05 PM Posted In , Edit This 1 Comment »


ఏనుగమ్మా
ఏనుగూ
ఊరొచ్చింది ఏనుగూ
మా ఊరొచ్చింది ఏనుగూ
మీ ఊరొచ్చి ఏనుగూ
ఎం చేసింది ఏనుగూ
మా ఊరొచ్చి ఏనుగూ
మంచి నీళ్లు తాగింది ఏనుగూ,

హాయ్!! హాయ్!!
ఏనుగు ఏనుగు నల్లన
ఏనుగు కొమ్ములు తెల్లన
ఏనుగు మీద రాముడు ఎంతో చక్కని దేవుడు.

ఒప్పుల కుప్పా

10:30 AM Posted In , Edit This 2 Comments »



ఒప్పుల కుప్పా ఒయ్యారి భామా


మినపా పప్పు మెంతీ పిండి


తాటీ బెల్లం తవ్వెడు నెయ్యి


గుప్పెడు తింటే కులుకులాడి


నడుమూ గట్టె నామాటే చిట్టీ


దూ దూ పుల్ల దూరాయ్ పుల్ల


చూడాకుండా జాడా తీయ్యి


దాగుడు మూతా దండాకోర్


పిల్లీ వచ్చే ఎలకా భద్రం - ఎక్కడి దొంగలక్కడే గప్ చుప్

బుర్రు పిట్ట బుర్రు పిట్ట

10:37 AM Edit This 0 Comments »



బుర్రు పిట్ట బుర్రు పిట్ట తుర్రు మన్నది


పడమటింటి కాపురం చెయ్యనన్నది


అత్త తెచ్చిన కొత్త చీర కట్టనన్నది


మామ తెచ్చిన మల్లె పూలు ముడవనన్నది


మగనిచేత మొట్టి కాయ తింటనన్నది.

బుజ్జిమేక

11:42 AM Posted In , Edit This 0 Comments »

బుజ్జిమేక బుజ్జిమేక ఏడకెల్తివి ?
రాజుగారి తోటలోన మేతకెల్తిని.

రాజుగారి తోటలోన ఏమి చూస్తివి ?
రాణి గారి పూల చెట్ల సొగసు చూస్తిని

పూల చెట్లు చూసి నీవు ఊరుకొంటివా ?
నోరూరగ పూల చెట్లు మేసి వస్తిని.

మేసి వస్తె నిన్ను భటులు ఏమి చేసిరి ?
భటులు వచ్చి నా కాళ్ళు విరగకొట్టిరి.

కాలు విరిగి నీవు ఊరుకొంటివా ?
మందుకోసం డాక్టరుగారింటికెల్తిని.

మందు ఇచ్హిన డాక్టరుకు ఏమి ఇస్తివి ?
చిక్కనైన తెల్లపాలు ఇచ్చి వస్తిని.

డాక్టరుకు పాలిచ్చి ఇంటి వద్ద ఏమిస్తావు ?
గడ్డి తినక ఒక పూట పస్తులుండి తీరుస్తా.

పస్తులుండి నీకు నీరసం రాదా ?
పాడు పనులు చేయనింక బుద్దివచ్చెనాకు

చిన్నారి పాట

5:14 PM Posted In , Edit This 0 Comments »


పాడుబడిన కోట - కోట వెనుక పేట
పేట వరకు బాట - బాట పక్కన తోట
తోటలోన మోట - మోట కోసం రాట
రాట తిరుగు చోట - రాగాల పాట
పాట పాడు నోట - పంచదార ఊట
అందుకే పూట పూట - వినిపించు పాట
చిన్నారి నోట - కొత్త పాట.

రింగురింగు బిళ్ళ

5:18 PM Posted In , Edit This 0 Comments »



రింగురింగు బిళ్ళ - రూపాయి దండ

దండ కాదురా - తామర మొగ్గ

మొగ్గ కాదురా - మోదుగ నీడ

నీడ కాదురా - నిమ్మల బావి

బావి కాదురా - బచ్హలి కూర

కూర కాదురా - కుమ్మరి మెట్టు

మెట్టు కాదురా - మేదర సిబ్బి

సిబ్బి కాదురా - చీపురు కట్ట

కట్ట కాదురా - కావడి బద్ద

బద్ద కాదురా - బారెడు మీసం

మీసం కాదురా మిరియాల పొడుం

పొడుంకాదురా - పోతురాజు.

రంగులు

2:05 PM Posted In , Edit This 0 Comments »



చందమామ తెలుపు - సన్నజాజి తెలుపు
మల్లెపువ్వు తెలుపు - మంచి మనసు తెలుపు


మందారం ఎరుపు - సిందూరం ఎరుపు

మంకెన పువ్వు ఎరుపు - మంచి మంట ఎరుపు


జీడి గింజ నలుపు - కట్టె బొగ్గు నలుపు

కారు చీకటి నలుపు - కాకమ్మ నలుపు


చామంతి పసుపు - పూబంతి పసుపు

బంగారం పసుపు - గన్నేరు పసుపు


సన్నజాజి తెలుపు

చామంతి పసుపు

మందారం ఎరుపు

కోకిలమ్మ నలుపు...

వెలుగు

1:55 PM Posted In , Edit This 0 Comments »

గోరంత దీపము కొండంత వెలుగు

మా ఇంటి పాపాయి మాకంటి వెలుగు

వెచ్చని సూరీడు పగలంత వెలుగు

చల్లని చంద్రుడు రాత్రంత వెలుగు

ముత్యమంత పసుపు ముఖమంత వెలుగు

ముత్తైదు కుంకుమ బ్రతుకంత వెలుగు

గురువు మాట వింటే గుణమంత వెలుగు

మంచి చదువులు నీకు భవిషత్తు వెలుగు"

కాళ్ళ గజ్జ - కంకాలమ్మ

12:54 PM Posted In , Edit This 1 Comment »

కాళ్ళ గజ్జ - కంకాలమ్మ
వేగు చుక్క - వెలగ మొగ్గ
మొగ్గగాదు - మోదుగ నీరు
నీరు కాదు - నిమ్మలవాయ
వాయకాదు - వాయింట కూర
కూర కాదు - గుమ్మడి పండు
పండు కాదు - పాపడ మీసం
మీసం కాదు - మిరియాల పోతు
పోతుకాదు - బొమ్మల శెట్టి
శెట్టి కాదు - శామ మన్ను
మన్ను కాదు - మంచి గంధపు చెక్క
లింగు లిటుకు - పందెమాల పటుకు
కాలు పండినట్లు - కడకు దీసి పెట్టు.

అంకెలు

6:42 PM Posted In , Edit This 0 Comments »



ఒక్కటి ఓ చెలియా
రెండు రోకళ్ళు
మూడు ముచ్చిలకా
నాలుగు నందన్నా
ఐయిదుం బేడల్లు
ఆరుం జివ్వాజి
ఏడు ఎలమంద
ఎనిమిది మనమంద
తిమ్మిది తోకుచ్చు.

ఎందుకురా ?

6:41 PM Posted In , Edit This 0 Comments »


ఎండలు కాసేదెందుకురా ?

మబ్బులు పట్టేటందుకురా.

మబ్బులు పట్టేదెందుకురా ?

వానలు కురిసేటందుకురా.

వానలు కురిసేదెందుకురా ?

చెరువులు నిండేటందుకురా.

చెరువులు నిండేదెందుకురా ?

పంటలు పండేటందుకురా.

పంటలు పండేదెందుకురా ?

ప్రజలు బ్రతికేటందుకురా.
ప్రజలు బ్రతికేదెందుకురా ?

దేవుని కొలిచేటందుకురా.

దేవుని కొలిచేదెందుకురా ?

ముక్తిని పొందేటందుకుర.

చుట్టాల సురభి

6:36 PM Posted In , Edit This 0 Comments »

చుట్టాల సురభి - బొటన వ్రేలు

కొండేల కొరవి - చూపుడు వ్రేలు

పుట్టు సన్యాసి - మధ్య వ్రేలు

ఉంగరాల భోగి - ఉంగరపు వ్రేలు

పెళ్ళికి పెద్ద - చిటికెన వ్రేలు

తిందాం తిందాం ఒక వేలూ -
ఎట్లా తిందాం ఒక వేలూ -
అప్పుచేసి తిందాం ఒక వేలూ -
అప్పెట్టా తీరుతుంది ఒక వేలూ -
ఉన్నాడు కదా ఒక వేలూ -
పొట్టివాడు గట్టి వాడు బొటనవేలు.

మాబడి

6:11 PM Edit This 0 Comments »

అదిగోనండీ మాబడి
నేర్పును మాకు చక్కని నడవడి
శ్రద్దగ చదువులు చదివెదమండి
చక్కగ కలిసి ఉంటామండి.


పాఠాలెన్నో చదివామండి
పంచతంత్రం విన్నామండి
అందులోన నీతి తెలిసిందండి
ఎప్పుడు తప్పులు చేయం లెండి.


చక్కగ బుద్దిగ ఉంటామండి
మంచి పనులు చేస్తామండి
కలసి అందరం ఉంటామండి
ఆనందంగా జీవిస్తామండి.


తగవులు ఎప్పుడు పడమింకండి
కలసి కట్టుగా ఉంటామండి
కలసి మెలసి పనిచేస్తామండి
కంచుకోట నిర్మిస్తామండి.


కోటకు జెందా కడ్తామండి
ఆకాశాన ఎగరేస్తామండి
ఆ ఎగిరే జెండా మాదేనండి
అదే మా భారత జెండా సుమండి.

అ ఆ లు దిద్దుదాము

6:06 PM Edit This 0 Comments »


అ ఆ లు దిద్దుదాము - అమ్మమాట విందాము
ఇ ఈ లు చదువుదాము-ఈశ్వరుని కొలుద్దాము
ఉ ఊ లు దిద్దుదాము - ఉడుతలను చూద్దాము
ఎ ఏ ఐ అంటూ - అందరనూ పిలుద్దాము
ఒ ఓ ఔ అంటూ - ఓనమాలు దిద్దుదాము
అం అః అంటూ - అందరమూ ఆడుదాము


గురువుగారు చెప్పిన పాఠాలు విందాము
మామగారు చెప్పిన మంచి పనులు చేద్దాము
తాతగారు చెప్పిన నీతి కధలు విందాము
అందరం కలుద్దాం ఆనందంగా ఉందాం.

తారంగం తారంగం

2:00 PM Edit This 2 Comments »



తారంగం తారంగం - తాండవకృష్ణా తారంగం !

అల్లరికృష్ణా తారంగం - పిల్లల కృష్ణా తారంగం !!


ముద్దుల కృష్ణా తారంగం - మురిపాలకృష్ణా తారంగం !

మధవ కృష్ణా తారంగం - యశోదకృష్ణా తారంగం !!


వేణునాధా తారంగం - వెంకటరమణా తారంగం !

రాధాకృష్ణా తారంగం - రమణీకృష్ణా తారంగం !!


గోపాలకృష్ణా తారంగం - గోకులనాధా తారంగం !

వెన్నలదొంగా తారంగం - చిన్నికృష్ణా తారంగం !!


చిన్మయరూపా తారంగం - చిద్విలాసా తారంగం !

విశ్వమంతయు తారంగం - నీవేనయ్యా తారంగం !!.

పసిడి పలుకులు.

1:39 PM Edit This 1 Comment »

అల్లీ బిల్లీ

10:53 AM Edit This 3 Comments »



కొండాపల్లి కొయ్యాబొమ్మా !
నీకోబొమ్మా, నాకోబొమ్మా !

నక్కాపల్లీ లక్కాపిడతలు !
నీకో పిడతా, నాకో పిడతా !

నిర్మలపట్నం బొమ్మల పలకలు !
నీకో పలకా, నాకో పలకా !

బంగినపల్లీ మామిడిపండ్లూ !
నీకో పండూ, నాకో పండూ!

ఇస్తానుండూ తెచ్చేదాకా !
చూస్తూ ఉండూ ఇచ్చేదాకా.

చందమామ

5:57 PM Edit This 0 Comments »



చందమామ రావే - జాబిల్లి రావే
బండిమీద రావే - బంతి పూలు తేవే
పల్లకిలో రావే - పంచదార తేవే
సైకిలక్కి రావే - చాకిలెట్లు తేవే
పడవమీద రావే - పట్టుతేనె తేవే
మారుతిలో రావే - మంచి బుక్సు తేవే
పెందలాడరావే - పాలు పెరుగు తేవే
మంచి మనసుతో రావే - ముద్దులిచ్చి పోవే
అన్నియును తేవే - మా అబ్బయి/అమ్మాయికీయవే

చిలకమ్మ పెండ్లి.

5:08 PM Edit This 0 Comments »


చిలకమ్మ పెండ్లి అని - చెలెకత్తెలందరూ-
చెట్లు సింగారించి - చేరి కూర్చున్నారు-
పందిట పిచ్చుకలు - సందడి చేయగ-
కాకుల మూకలు - బాకాలూదగ-
కప్పలు బెక బెక - డప్పులు కొట్టగ-
కొక్కొరోకోయని - కోడి కూయగా-
ఝుమ్మని తుమ్మెద - తంబుర మీటగ-
కుహు కుహుయని కోయిల పాడగా-
పిల్ల తెమ్మెరలు - వేణువులూదగ-
నెమలి సొగసుగా - నాట్యం చేయగ-
సాలీడిచ్చిన చాపు కట్టుకొని-
పెండ్లి కుమారుడు బింకము చూపగ-
మల్లె మాలతి - మాదవీ లతలు-
పెండ్లి కుమారును - పెండ్లి కుమార్తెను-
దీవిస్తూ తమ పువ్వులు రాల్చగ-
మైనా గోరింక మంత్రము చదివెను-
చిలకమ్మ మగడంత - చిరునవ్వు నవ్వుతు-
చిలకమ్మ మెడకట్టె - చింతాకు పుస్తె.